الصقر الليبي المدير العام
عدد المساهمات : 95 تاريخ التسجيل : 25/09/2010 العمر : 33 المزاج : رايق
| موضوع: صباح الخير @ لشاعر علي شحات, قصيدة للشاعر الكبير علي شحات الخميس نوفمبر 18, 2010 9:21 pm | |
| صباح الخير @ لشاعر علي شحات
إهداء لأعضاء منتدانا الغالي
صباح الخير يا طيبك صباح
وطيبك صبح يبداه النهار
وطيبك وجه يبعث الارتياح
وطيبك صوت نغمة من اوتار
وجهك بين الوجوه الملاح
فاض بنور يسرق في الانوار
نسوم ربيع وان الفجر فاح
عطرك فاح ع الانفاس غار
فعل بالروح ما تفعل الراح
بشارب زاد شغفه بالمرار
وقلبي قبل نقرب قلت راح
سبقني قبل فيك انطول طار
غلاك حصون محمية اجتاح
وذلَّ جيوش صعبت الانكسار
عقلي بين نار غلاك طاح
وبين جمال خاطف للابصار
فيك احتار يا زينة السماح
ان شورك ماح تلعب بيه نار
وكان اختار يجنح للبياح
اخطيه الصاح واخطي في القرار
وان دار قرار ظنه هو الصاح
يخش بياح لوعة الاختيار
فيك ارباح وخسارة ارباح
وفيك اقهار وتحيدي اقهار
انتِ درب خاتمته ارباح
وانتِ درب خاتمته دمار
وبين يديك باللي بيه باح
قلب رهيف من حسنك انهار
غازي جاك منزوع السلاح
ومنك لاذ شورك بالفرار
ان شلتي فيه فاتكات الرماح
بحن وغلَّ منهن يستجار
اسماه ايريح من ودك ارياح
وان ما راح حتفه الانصهار
واعتبري كل ما قاله انواح
لاهو غزل فيك ولا اشعار
وان شلتي فيه العيون السماح
وتاق الود فيهن والقدار
يبقى طاح في وين استراح
ونال أقدار صوبك بأقتدار
وهمَّ الليل عن صدري انزاح
بجيشه راح لايذ بالفرار
وكل نهار وين الصبح لاح
بدري انجيك ونقولك اجهار
صباح الخير يا طيبك صباح
وطيبك صبح يبداه النهار
| |
|
براءة بنوتة انمي جديد
عدد المساهمات : 3 تاريخ التسجيل : 19/11/2010
| موضوع: رد: صباح الخير @ لشاعر علي شحات, قصيدة للشاعر الكبير علي شحات الجمعة نوفمبر 19, 2010 1:06 pm | |
| كلام جميل سلم لسان الشاعر مشكور على النقل | |
|
الصقر الليبي المدير العام
عدد المساهمات : 95 تاريخ التسجيل : 25/09/2010 العمر : 33 المزاج : رايق
| موضوع: رد: صباح الخير @ لشاعر علي شحات, قصيدة للشاعر الكبير علي شحات الجمعة نوفمبر 19, 2010 2:08 pm | |
| لاشكر على واجب وخاصة هدا من شاعرنا وخونا علي شحات ليبي زينا | |
|